Wasserstoff

Wassaschdoff is en schemischs Element mi'm Symbol H (fä ladainisch hydrogenium „Wassamacha“; fun griischisch ὕδωρ hydōr „Wassa“ und γίγνομαι gignomai „werre“) un dä Odnungszål 1. Im Periodesyschdem funn'd Elemende hods dä easchde Blads.

Wassaschdoff ischs hoifischd' schemischs Elemend im Universum, awwa ned uff'd Ead. Ea isch im Wassa un in faschd alle organische Fäbinnunge dri, un kummd dodomid in alli Lebewesen foa. Dadai:Emissions Spectra.webm Wassaschdoff isch s Elemend mid'd g'ringschd Atommass. Im hoifischde Isotop, wu å Protium heeßt, hods gå kee Neutron, blous en Proton un'n Elektron.

G'schischd

Antoine Laurent de Lavoisier håddem Wassaschdoff sein Nåm 'gewwe.

Als Easchda hådden dä Chemiker un Fisyker Henry Cavendish 1766 g'funne, alsa ebbes mid Metalle un Säure ausbrowiad håd. Weil's Gas brennd håd, håddas Inflammable Air g'nånnd. 1778 håd dä Antoine Laurent de Lavoisier Wassaschdoff å g'funne, ohne dä Cavendish 'kennd z'hawwe. Lavoisier håd dånn å meijna nausbråchd, alsa Wassadåmpf iwwa gliinde Eisebrogge g'laid håd, waila zaische wolld, dass baiere chemischi Reaktion kää Mass fälore geijd. Wail des Wassa dånn doch wennischa worre isch, hådda g'sehn, dass e Gas enschdanne, un Eise oxidiert isch. Di Mass isch di glaisch bliwwe, also hådda doch Reschd g'hadd. Lavoisier håd dånn å nausbråchd, dassna außem Wassaschdoff å widda Wassa mache kå, un håddem sein Nåm 'gewwe.