Olivin

Olifin uf Basalt

Olifinkrischdall

Olifin is e olifgriines Mineral, e Eise-Magnesium-Silikat mi da schemische Formel $\mathrm{(}\mathrm{M}\mathrm{g},\mathrm{F}\mathrm{e}{\mathrm{)}}_{\mathrm{2}}\mathrm{S}\mathrm{i}{\mathrm{O}}_{\mathrm{4}}$. Genaugenumme sin Olifine e Mischkrischdallreih zwische-m Magnesiumsilikat Forschderit $\mathrm{(}\mathrm{M}{\mathrm{g}}_{\mathrm{2}}\mathrm{S}\mathrm{i}{\mathrm{O}}_{\mathrm{4}}\mathrm{)}$ un em Eisesilikat Fayalit $\mathrm{(}\mathrm{F}{\mathrm{e}}_{\mathrm{2}}\mathrm{S}\mathrm{i}{\mathrm{O}}_{\mathrm{4}}\mathrm{)}$. Olifin krischdallisierd noch em ordorombische Sischdeem. Krischdalle sin allderdings reschd selde. Oft bildt er kärnische Aggregade aus.

Olifin is e wischdischdes gschdoinsbildendes Mineral un ghert zu de Haubtbschdanddeile vun dunggle, des heeßt basische Magmatite. In Fulkânische Gschdoine wie Basalt kummt-er als oigschbrengelde Krischdalle vor. Mânschmol bilde sisch in Hohlraim schäne klare Olifin-Krischdalle aus, wo als Edelschdää gschädzt werre. Ma heeßt die dânn Chrysolith odder Peridot.

Olifin gibt-s zum Beischbiel am Katzebuggel, dem hegschde Berg vum Odewald.

Kennzeische

• Schdrisch: weiß
• Mohshärde: 6,5 - 7
• Glânz: uf Krischdallfläsche Glasglânz (uf Bruchfläsche Fettglânz)
• Bruch: muschelisch

Lideradur

Siegfried Matthes, Mineralogie, 1983, S. 103 - 105

Websaide

Olifin im Mineralienatlas.de